Oسے شروع ہونے والے ناموں کا مزاج
جن افراد کا نام O سے شروع ہوتا ہے، ان میں مندرجہ ذیل خصوصیات پائی جاتی ہیں:
- ایسے لوگ ضدی اور خودسر ہوتے ہیں۔ لیکن اپنے آپے میں رہنے والے اور ذمہ دار فرد ہوتے ہیں۔
- یہ اپنے قریبی محبت کرنے والوں کے لیے متفکر رہتے ہیں اور ان کے نزدیک اولیت انہی کو حاصل ہے۔
- وہ اپنے رفیق حیات کا ہر طرح سے خیال رکھتے ہیں اور اسے کسی شکایت کا موقع نہ دے کر ہر طرح اطمینان، سکون اور راحت پہنچاتے ہیں۔
- وہ اگرچہ کسی حدتک فضول خرچ بھی ہوتے ہیں مگر یہ فضول خرچی گھر کے اخراجات میں نہیں بلکہ مہمانوں کی خاطر تواضع، محفلوں اور مختلف مشاغل کے حوالے سے ہوتی ہے۔
- یہ خواتین وقت پڑنے پر اپنے رفیق حیات کےلیے بہترین مشیر ثابت ہوسکتی ہیں اور اپنی خداداد ذہانت سے کام لے کراسے بہترین اور کارآمد ترین مشورہ دیتی ہیں ،جس پر عمل کر کے ان کا رفیق حیات اپنی الجھنوں سے نکل جاتا ہے اور ان کی اور زیادہ قدر کرنے لگتا ہے۔
- یہ خواتین اپنے لیے تعلیم یافتہ، مہذب، شائستہ اور با اخلاق رفیق حیات پسند کرتی ہیں۔ ان کا رفیق حیات جب تک ان کے ساتھ احترام کا رویہ رکھتا ہے، تب تک وہ بھی اس سے ہر طرح تعاون کرتی ہیں اور ہر طرح اسکا خیال رکھتی ہیں۔ لیکن اگر وہ انہیں دباؤ میں رکھنے کی کوشش کرے تو وہ خود سر، ضدی اور سرکش بن کر اس سے الجھ جاتی ہیں۔
- یہ خواتین گھر کی چار دیواری کی محدود دنیا کی اسیر ہوکر رہنا پسند نہیں کرتیں۔ ایک اچھی خاتون خانہ ہونے کے ساتھ ساتھ وہ اچھی میزبانی اور پرسکون تفریح سے لطف و سرور محسوس کرتی ہیں۔ اس حوالے سے انہیں زیادہ سے زیادہ توجہ اور محبت حاصل کرنے کی شدید خواہش رہتی ہے اور وہ کبھی یہ برداشت نہیں کرتیں کہ انہیں کسی بھی حوالے سے پابند بناکر رکھا جائے۔
- منفی او (O) کسی کی نہیں سنتا۔ وہ مطلق العنان ڈکٹیٹر ہوتا ہے من مانی کرنے والا ہوتا ہے۔
- منفی او (O) دوسروں کے کاموں میں بلاوجہ مداخلت کرنے لگتا ہے۔ یہ دوسروں پر زبردستی اپنی رائے ٹھونس سکتا ہے۔
دیگر حروف
علامہ اقبال کا بُرج
علامہ محمد اقبال جنھیں شاعر مشرق بھی کہا جاتا ہے، نہایت معروف شاعر، فلسفی، سیاست دان، بیرسٹر اور سکا لر تھے۔ پاکستان کی آزادی میں انکا بہت بڑا ہاتھ ہے، تبھی تو انھیں "پاکستا ن کا روحانی باپ" کہا جاتا ہے۔ اقبال نہ صرف پاکستان کے لیے با عث فخر ہیں بلکہ کنگ جارج جیسے لوگوں نے بھی انھیں مدعو کیا اور سر کا خطاب دیا۔ اردو اور فارسی میں انھوں نے اپنے قلم کے ذریعے لوگوں کی رہنمائی کی، جسکی بنا پر انھیں مفکر پاکستان اور حکیم الامت کہا گیا۔ عربی میں بھی انکا کام قابل تعریف ہیں۔
انکی پہلی کتاب اسرار خودی فارسی زبا ن میں تھی جسکی کئی زبانوں میں تشریح ہوئی۔ انھوں نے جرمنی میں بھی کافی ٹائم گزارا اور تبھی انکی یاد میں وہاں اقبال کے نام سے ایک سٹریٹ بھی ہے، جو علامہ اقبال کی یاد کو آج بھی تازہ کرتی ہے۔ مغربی تعلیم حاصل کرنے کے باوجودعلامہ اقبال اسلام کی تعلیمات میں کافی سخت تھے اور ہمیشہ اسلام کواسکی صحیح تعلیمات کیساتھ فروغ دینے کی کوشش کرتے رہے۔ اقبال صاحب نے تین شادیاں کی۔ پہلی شادی 1895 میں کریم بی بی سے کی، اسکے بعد سردار بیگم اور پھر مختار بی بی انکی زوجیت میں آئیں۔
تاریخ پیدائش اور بُرج
تاریخ پیدائش: 9 نومبر 1877ء۔ مقام: سیالکوٹ، پاکستان
آئیے ذرا علامہ محمد اقبال کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج عقرب ہے۔ برج عقرب کے لوگ کافی بہادر ہوتے ہیں، ان سے بہتر سچا دوست کوئی نہیں ہوتا۔ انکے پاس اتنے وسائل ہوتے ہیں کہ ہر چیز کا حل نکا ل لیتے ہیں۔ جوش و جذبے کے اعتبار سے یہ کافی مکمل ہوتے ہیں۔ لیکن ان کی طبیعت میں تشدد شامل ہوتا ہے۔ اپنے پیاروں کے معاملے میں بڑے محتاط رہتے ہیں۔
علامہ محمد اقبال میں یہ تمام خوبیاں دیکھی جا سکتی ہیں۔
بروس لی کا بُرج
جئن فئن لی چینی اداکار تھے جو کہ بروس لی کے نام سے مشہور ہوئے۔ بروس لی کو مارشل آرٹ میں کمال حاصل تھا۔ ان کی کمال خوبی یہ تھی کہ وہ ایک دن میں 5000 بار مکا مارنے کی مشق کرتے، وہ بھی الگ الگ انداز میں۔ نو عمری میں بروس لی کا اپنا "ٹائیگر آف جنکشن سٹریٹ" نامی گینگ بھی تھا، جس کے وہ لیڈر تھے۔ بروس لی نے اپنی زندگی میں صرف ایک لڑائی ہاری وہ بھی 13 سال کی عمر میں۔ بروس لی کی خواہش تھی کہ وہ محمد علی کے ساتھ ایک لڑائی لڑیں مگر ان کی یہ خواہش پوری نہ ہو سکی۔ بروس لی مشہور باسکٹ بال کھلاڑی کریم عبدلجبار کے استاد تھے۔ بروس لی کو پانی سے نفرت تھی اور نہ ہی انہوں نے کبھی تیراکی کی۔ بروس لی کا شمار نظر کے لیز استعمال کر نے والے ابتدائی لو گوں میں ہوتا ہے۔
بروس لی کی شادی "لینڈہ لی" نامی لڑکی سے ہوئی۔ بعد ازاں ان کو اپنی ایک ساتھی اداکارہ "ٹینگ پائی" سے بھی محبت ہو گئی مگر ان کی اس محبت کو کوئی منزل نہ مل سکی جس کی وجہ ان کی شادی تھی۔ بروس لی کی موت کے بارے میں بہت سی افواہیں مشہور ہیں مگر ان کی موت کی وجہ ان کی دماغی بیماری تھی۔ بروس لی نے جب فلمی دنیا میں قدم رکھا تب ان کی عمر صرف 3 ماہ تھی۔ بروس لی نے "سائیلنٹ فلیٹ" نامی ایک فلم بھی لکھی جو کہ ان کی زندگی میں نہ بن سکی۔ بلاشبہ بروس لی نے مختصر مگر شاندار زندگی گزاری۔
تاریخ پیدائش اور بُرج
تاریخ پیدائش: 27 نومبر 1940ء۔ مقام: سان فرانسسکو، امریکہ
آئیے ذرا بروس لی کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج قوس ہے۔ برج قوس سے تعلق رکھنے والے لوگ عموما ً امید سے بھر پور، مزاحیہ، سخی دل، بہادر، بے خوف، عقل مند اور روشن ضمیر ہوتے ہیں مگر ان کی بری عادت خود کو ہر معاملہ میں صحیح ثابت کرنا ہے۔ اگر بروس لی کی زندگی کا مطالعہ کیا جائے تو معلوم ہوتا ہے کہ ان کے برج کے متعلق بتائی گئی باتیں درست ہیں۔