بُرج حوت کی مشہور شخصیات
فلمسٹارعامر خان
عامر خان کا پورا نام عامرحسین خان ہے۔ بالی ووڈ میں عامر خان ایک بہت بڑا نام ہے۔عامر خان کو ہر کردار میں جلد ہی ڈھل جانے کی وجہ سے مسٹر پرفیکشنسٹ (Mr. Perfectionist) کہا جاتا ہے۔عامر خان پہلے ہی ایک کامیاب اداکار تھے لیکن ’’تھری ایڈیٹس‘‘ اور’’ پی کے‘‘ فلموں نے ان کو چار چاند لگا دیئے۔ عامر خان ایک معمولی خاندان میں پیدا ہوئے ۔ گھر یلو حالات کی وجہ سے والدین ان کو پڑھا لکھا کر کچھ بنانا چاہتے تھے۔عامر خان کےایک انکل فلم انڈسٹری میں پہلے سے موجود تھے اور انھوں نے ہی عامر خان کو فلم انڈسٹری میں انٹری دلوائی۔ عامر خان کی پہلی فلم ’’قیامت سے قیامت تک‘‘ تھی جس کے اشتہارات انھوں نے خود رکشوں پر لگائے اور لوگوں کو ساتھ ساتھ بتایا کہ میں اس فلم میں ہیرو ہوں اور یہ فلم بہت ہٹ بھی ہوئی۔
یہ موصوف خودتو مشہور ہیں ہی لیکن ساتھ میں ان کی کچھ عجیب حرکات بھی مشہور ہیں۔ جیسے کہ ان کو نہانا بالکل پسند نہیں ہے۔ اس کے علاوہ مذاق میں بھی بہت آگے ہیں۔ایک دفعہ یہ فلمسٹار مادھوری کا ہاتھ پڑھنے لگے اور ایک دم سے ان کے ہاتھ پہ تھوک پھینک کر بھاگ گئے۔ مادھوری ہاکی اٹھا کر ان کا پیچھا کرنے لگیں مگر یہ ہاتھ نہ آئے۔اپنی مذاق کرنے کی عادت کی وجہ سے وہ فلمسٹار جوہی چاولہ سے بھی اسی طرح تعلقات خراب کر بیٹھے تھے۔
عامر خان کی شادی رینا دتہ سے 1986 میں ہوئی اور یہ وہ دن تھا جس دن پاکستانی کرکٹر جاوید میاں داد نے آخری گیند پر مشہور چھکا لگا کر پاکستان کو شارجہ کپ جتوا دیا تھا۔ بہرحال عامر خان نے دوسری شادی کرن راؤ سے کی اور ان کی ایک بیٹی ارا خان اور دو بیٹے، آزاد راؤ خان اور جنید خان ہیں۔
تاریخ پیدائش اور بُرج
آئیے ذرا عامر خان کی تاریخ پیدائش پر غور کرتے ہیں اور ان کے بُرج کا حال اور ان کی کامیابی کا راز جاننے کی کوشش کرتے ہیں۔
تاریخ پیدائش: 14 مارچ 1965 (عمر 52 سال)۔ مقام: ممبئی، انڈیا
تاریخ پیدائش کے لحاظ سے عامر خان کا بُرج حوت (Pisces) ہے۔ بُرج حوت والے بڑے دل والے ہوتے ہیں اور ان کے پاس دوسروں کو دینے کے لیے بے پناہ محبت ہوتی ہے۔ یہ ہمیشہ بہترین لوگوں کا انتخاب کرتے ہیں۔ دوسروں کی بات سچے دل سے سنتے ہیں۔ اپنی ضرورت پر دوسروں کی ضرورت کو فوقیت دیتے ہیں اور یہی ان کی کامیابی کا راز ہے۔
عامر خان کی شخصیت میں یہ تمام خوبیاں واضح ہیں۔
مشہورحوت شخصیات کے متعلق دلچسپ حقائق
سید نورسٹیو جابزگراہم بیل (ٹیلی فون ایجاد کرنے والا)جارج واشنگٹن (پہلا امریکی صدر)مائیکل انجیلووکٹر ہیوگو (انٹرنیشنل ادیب)الزبتھ ٹیلراسامہ بن لادنبُرج حوت (Pisces)
گلوکارہ شکیرا کا بُرج
شکیرا برِاعظم جنوبی امریکہ کے ملک کولمبیا کی پہلی سنگر ہیں جو کہ شہرت کے ساتویں آسمان پہ ہیں۔ انھوں نے بہت سے گانے گائے لیکن فٹ بال ورلڈ کپ کے موقع پر واکا واکا نے جو بلندی دی ، وہ بے مثال ہے۔ شکیرا کے نام کا مطلب شکر گزار ہے جو کہ انھیں خود بہت پسند ہے۔ کافی ساری زبانیں بول لیتی ہیں جیسے کہ عربی، فرنچ، انگریزی، اٹالین۔ انکی فیملی ہی اتنی بڑی ہے کہ سبھی سے کچھ نہ کچھ سیکھ لیا انھوں نے۔ دادی ماں سے بیلے ڈانس سیکھا ۔ ساتھ ہی ساتھ شکیرا نہایت ذہین بھی ہیں، انکا آئی کیو 140 ریکار ڈ کیا گیا ہے۔۔ ۔ جی بالکل ! 140۔ جبکہ ایک عام انسان کا آئی کیو 90 سے 110 کے درمیان ہوتا ہے۔شکیرا اگر پروفیسر یا سائنسدان ہوتیں تو بھی بہت ترقی کرتیں۔
13 سال کی عمر میں شکیرا نے اپنی آواز کا جادو پہلی بار بکھیرا ، جو تیس سال گزرنے کے بعد بھی ویسا ہی ہے۔ شکیرا کو ٹینس، گالف، باسکٹ بال اور سوئمنگ انتہائی پسند ہیں۔ کہیں بھی جانا ہو،انکا آل ٹائم فیورٹ کلر بلیک ہے ۔ اپنے تین کتوں سے انکو بہت لگاؤ ہے ۔ہر وقت انکے ساتھ رہنا پسند کرتی ہیں۔ انھیں چاکلیٹ ہر وقت اور ہر طرح کی پسند ہے۔ محبت ایک ہی شخص سے کی، جو کہ کافی ڈرامائی اظہار تھا ، فٹ بالر جیرارڈ کی طر ف سے، جسے شکیرا نے قبو ل بھی کیا۔ اب ان دونوں کے دو بچے ہیں اور بہت اچھی زندگی گزار رہے ہیں۔
تاریخ پیدائش اور بُرج
آئیے ذرا شکیرا کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 2 فروری 1977 (عمر 41سال)۔ مقام: کولمبیا، جنوبی امریکہ
تاریخ پیدائش کے مطابق انکا برج دلو ہے۔ برج دلو کے لوگ تر قی پسند ہوا کرتے ہیں ۔انھیں آگے بڑھتے رہنے کی تڑپ سونے ہی نہیں دیتی ۔ ان لوگوں میں بناوٹ نہیں ہوتی۔ جیسے اندر سے ہوتے ہیں، ویسے ہی باہر سے بھی ہوتے ہیں۔ کسی پہ انحصار کرنا انکی فطرت میں شامل نہیں ہے۔ انکی کمزوریوں میں جذباتی ہو جانا، اپنے غصے پہ قابو نہ کرنا اور ذرا سا بھی سمجھوتا نہ کرنا، شامل ہیں۔ اگر ان سب پہ کنٹرول ہو جائے تو یہ لوگ بہتر زندگی گزار سکتے ہیں۔
یہ تمام خصو صیات شکیرا میں موجود ہیں۔
اشفاق احمد کا بُرج
اشفاق احمد پاکستان کے نامور افسانہ نگار، ڈرامہ نگار اور نثر نگار ہیں۔ ادب کی دنیا میں انکی خدمات قابل ستائش ہیں۔ انکی تحریریں بھٹکے ہوئے انسانوں کیلئے بھی راہ راست کا سبب ہیں۔ انکے ڈرامے اور ناول ریڈیو اور ٹی وی دونوں ہی کی زینت بنے ہیں۔ ہجرت کے بعد پاکستان آگئے۔ ہجرت کے دوران اشفاق صاحب اعلان کرنے کا کام کرتے تھے اور اسی وجہ سے انھیں ریڈیو آزاد کشمیر میں نوکری دے دی گئی۔ انکی آواز اتنی اچھی تھی کہ لوگ بڑے شوق سے سنتے تھے۔
گورنمنٹ کالج لاہور میں اردو لٹریچر پڑھا۔ کالج میں بانو قدسیہ انکی کلاس فیلو تھی اور وہیں اشفاق صاحب نے فیصلہ کر لیا کہ عمر بھر کے ساتھ کیلئے بانو ہی چاہیئے۔ بانو بھی کہانیاں لکھتی تھی اور یہ بھی، دونوں کی جوڑی ایک دم فٹ تھی۔ اشفاق صاحب کو بانو کا دل جیتنے کیلئے کئی جتن کرنے پڑے، کیونکہ بانو عام لڑکیوں جیسی تو تھی نہیں۔
انہوں نے روم جا کروہاں کی یونیورسٹی میں بھی اردو پڑھائی۔ اٹلی میں اردو نیوز کاسٹر کی خدمات بھی انجام دیں۔ انکی خدمات کی وجہ سے ستارہ امتیاز سے بھی نوازا گیا۔ اشفاق احمد اب دنیا میں نہیں رہے، مگر ان کی تحریریں نوجوان نسل کیلئے آج بھی سبق آموز ہیں۔
تاریخ پیدائش اور بُرج
تاریخ پیدائش: 22 اگست 1925ء۔ مقام: برٹش انڈیا
آئیے ذرا اشفاق احمد کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج اسد ہے۔ برج اسد کے لوگوں میں عام لوگوں سے زیادہ ہنر پائے جاتے ہیں یہ اپنی ذات کو جانچنے میں کمال رکھتے ہیں۔ انکا وقار ہر کام میں نظر آتا ہے جس کام میں ہاتھ ڈالتے ہیں اسے سونا کر دیتے ہیں۔ لیکن بس انکی تیزی انکے لیے پریشانیوں کا باعث بنتی ہے۔ اگر یہ جلد بازی چھوڑ دیں تو کیا ہی بات ہے۔
اشفاق ا حمد میں یہ تمام عادات نمایاں ہیں۔