آپ اچھی طرح جانتے ہیں کہ آپ کو کیا کرنا چاہیے،لیکن اپنی سوچ کو عملی شکل دینا اتنا آسان نہیں۔ اس کے لئے آپ کو سُستی اور لاپرواہی سے جان چھڑانی پڑے گی۔ مناسب منصوبہ بندی کر کے باقاعدگی سے کام کو جاری رکھیں۔جو شخص کچھ نہیں کرتا،اُسے بعد میں سب کچھ کرنا پڑتا ہے۔
اگر زندگی میں مقصد اور معنی کی کمی محسوس کرتے ہیں توخدمتِ خلق کریں،دوسروں کو خوشی دیں۔آپ کو دنیا میں بھی فائدہ ہو گا اور آخرت بھی سنورجائے گی۔
دوسروں کی مدد کریں،قدرت آپکی بھی مدد کرے گی۔یہ لازمی نہیں کہ کوئی آپ کو مدد کے لئے پکارے،بلکہ آپ کی آنکھیں ایسے موقعوں کی تلاش میں رہنی چاہیں کہ کسی کو مدد کی ضرورت تو نہیں ہے۔