بُرج عقرب کی مشہور شخصیات
شاہ رخ خان
بھارت کے نامی گرامی اداکار شاہ رخ خان جو ایس آر کے کے نام سے بھی مشہور ہیں۔ یہ انڈیا کے سب سے زیادہ دولت مند ایکٹر ہیں۔ اب تک 80 سے زائد بالی وڈ فلموں میں کام کر چکے ہیں۔ دل والے دلہنیا لے جائیں گے ان کی کامیاب فلموں میں سے ایک ہے، اس فلم میں شاہ رخ نے راج نامی لڑکے کا کردار ادا کیا تھا جو سمرن نامی لڑکی کی محبت میں مبتلا ہوجاتا ہے۔ شاہ رخ صرف ایکٹر ہی نہیں بلکہ ماس کمیونیکیشن میں ماسٹرز ڈگری بھی رکھتے ہیں۔ انکا لکی نمبر 555 ہے جو کہ یہ ہر چیز میں لانے کی کوشش کرتے ہیں۔ شاہ رخ اپنی رومانوی شخصیت کی وجہ سے خواتین میں عرصہ دراز سے ہی مقبول ہیں۔ 18 سال کی عمر سے اب 52 کے ہو جانے کے بعد بھی ہر دوسری عورت انکی فین ہے۔ تبھی یہ صاحب رات کو سوتے وقت بھی اپنے پجامے استری کر وا کے پہنتے ہیں،کیونکہ انکو لگتا ہے کہ خواب میں نہ جانے کون ان سےملنے آجائے۔ سگریٹ کا استعمال بے دھڑک کرتے ہیں۔
اس مایہ ناز اداکار کو گھوڑوں سے بہت ڈر لگتا ہے۔ یہ جناب آئس کریم کو بھی بالکل پسند نہیں کرتے۔ کچھ بھی دے دو، لیکن آئس کریم نہیں۔ انھیں لوگوں کیساتھ تھیٹر میں جا کرفلم دیکھنا پسند نہیں ہے۔ بلکہ یہ فلم اپنی بی ایم ڈبلیو گاڑی میں اکیلے بیٹھ کر دیکھتے ہیں۔ ہاں! اپنی فیملی سے بہت محبت کرتے ہیں خواہ وہ ان کی بیوی گوری خان ہو یا انکے تین بچے ہوں۔
نومبر 2015ء میں شاہ رخ خان نے بھارت میں بڑھتی عدم رواداری پر تشویش کا اظہار کیا۔ ان کے اس بیان سے شیو سینا اور کئی ہندو تنظیمیں مشتعل ہوگئی تھیں اور انہوں نے شاہ رخ خان کی جاری فلم دل والے کے خلاف ملک بھر میں احتجاج کیا۔ فلم کے علاوہ کرکٹ کے میدان میں بھی شاہ رخ نے نام کمایا ہے ۔ انڈین پریمئر لیگ کی ٹیم ’کولکتہ نائٹ رائیڈرز‘ کے شریک مالک بن کر 2012ء میں ان کی ٹیم نے آئی پی ایل ٹائٹل اپنے نام کیا ۔
تاریخ پیدائش اور بُرج
آئیے ذرا شاہ رخ خان کی تاریخ پیدائش پر غور کرتے ہیں اور ان کی شخصیت کو جاننے کی کوشش کرتے ہیں۔
تاریخ پیدائش: 2 نومبر 1965 (عمر52 سال)۔ مقام: نئی دلی، انڈیا
یہ لوگ بہت جنونی اور قابل ہوا کرتے ہیں ۔ انکا جوش و جذبہ انہیں ہر منزل تک لے جاتا ہے۔ بہادری اور ہمت ان کے پاس کثرت سے پائی جاتی ہیں ۔ یہ لوگ سچے دوست ثابت ہوتے ہیں اور وفادار ی ان میں نمایاں ہوتی ہے۔ یہ لوگ اچھے لیڈر والی تمام خصوصیات کے حامل ہوتے ہیں۔ چیزیں راز میں رکھنا انکا شیوہ ہوتا ہے۔ سچ کی تلاش میں لگے رہنا اور حقیقت جاننا انکے لیے بہت ضروری ہے۔
شاہ رخ خان میں یہ تمام خصوصیات نوٹ کی جا سکتی ہیں۔
مشہورعقرب شخصیات کے متعلق دلچسپ حقائق
جنرل قمرباجوہہیلری کلنٹناندرا گاندھیمصور پکاسومیڈم کیوریمارٹن لوتھرگیلپبُرج عقرب (Scorpio)
شان کا بُرج
اصل نام ارمغان شاہد ہے لیکن پو را پاکستان انھیں شان شاہد کے نا م سے جانتا ہے۔ شان پاکستان فلم انڈسٹری کے نمبر ون سٹار ہیں۔ 1990 میں اپنی فلم بلندی سے کیریئر کا آغاز کرنے والے شان نے بلندی میں ایسی دھوم مچائی کہ پاکستان میں چھا گئے۔ انھوں نے 500 فلموں میں اپنی اداکاری کے جو ہر دکھائے ہیں۔ انکا فیملی شوبز سے تعلق رکھتی تھی، تبھی شان کو بھی انڈسٹری میں با آسانی جگہ مل گئی۔ شان کو گارڈننگ کا بہت شوق ہے، نہ صرف پودے لگا کر انکا نام رکھتے ہیں، بلکہ ان سے باتیں بھی کرتے ہیں۔ بڑی دلچسپ عادت ہے یہ۔ اسکے علاوہ انھیں کھانے کا بے انتہا شوق ہے، انکا کہنا ہے کہ کیک کھا لونگا، پھر چاہے فیٹس برن کرنے کیلئے ایک گھنٹہ ورزش کیوں نہ کرنی پڑے، لیکن کھانے پر کوئی سمجھوتا نہیں۔
شان چار بیٹیوں کے باپ ہیں اور انھیں کافی خوشی ہےکہ خدا نے انھیں اتنی رحمتوں سے نوازا ہے۔ شان کے بال سفید ہو چلے ہیں لیکن بالوں کو کلر نہیں کرواتے انکا ماننا ہے کہ سلور بال انھیں پسند ہیں۔ اتنی بڑے فلم سٹار ہو کر بھی شان دیسی ٹوٹکوں پر یقین رکھتے ہیں اور بعض ٹوٹکےتو آزماتے بھی ہیں۔ بہت اچھی بات ہے۔
تاریخ پیدائش اور بُرج
تاریخ پیدائش: 27 اپریل 1969ء (عمر49 سال)۔ مقام: لاہور، پاکستان
آئیے ذرا شان کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش کے مطابق انکا برج ثور ہے۔ برج ثور کے لوگ ہمیشہ چست اور ایکٹو نظر آتے ہیں خود کو کسی بھی کام میں بخوبی وقف کر دیتے ہیں۔ صبروتحمل سے اپنی ذمہ داریاں ادا کرتے ہیں۔ اپنی مزاج کو بھی قابو میں رکھنا جانتے ہیں۔ لیکن بس سمجھوتا کرنا انکی فطرت کا حصہ نہیں ہے، چاہے کچھ بھی ہو جا ئے۔ اگر یہ تھوڑا تھوڑا سمجھوتا کرنا شروع کردیں تو انکی شخصیت مزید نکھر سکتی ہے۔
شان شاہد میں یہ تمام خوبیا ں موجود ہیں۔
دیپکا پڈکون کا بُرج
انکا تعلق بھارت کی اعلیٰ ترین اداکاراؤں میں ہوتا ہے۔ بولی وڈ ہی نہیں بلکہ ہولی وڈ میں بھی انھوں نے تہلکہ مچانا شروع کردیا ہے۔مشہور ایکٹر ون ڈیزل کیساتھ کام کر کے دیپکا بہت خوش ہیں۔ اداکارہ بننے سے پہلے نیشنل لیول پر بیڈ منٹن چیمپئن بھی رہ چکی ہیں اور روزانہ صبح پانچ بجے اٹھ کر پریکٹس کیا کرتی تھیں۔ کیرئیر کا آغاز انہوں نے صابن کے کمرشل میں کام سے کیا۔ خوبصورتی تو بےحد ہے تبھی مرد انکے آس پاس رہتے ہیں۔ کیریئر کے آغاز میں ہی رنبیر کپور کیساتھ تعلق تھا انکا، جو کہ رنبیر نے توڑ دیا۔ انکا دل تو ٹوٹا بہت، لیکن پھر جلد ہی یہ غم بھول کہ انھوں نے کام کی طرف بھر پور توجہ دی۔ اب انکی زندگی میں رنبیر سنگھ ہیں جو کہ ان سے کافی محبت بھی کرتے ہیں اور سرعام انکی اہمیت کا اظہار بھی کرتے ہیں۔
دیپکا کامیاب اور آزاد نظر آتی ہیں ۔لیکن مسائل انکی زندگی میں بھی ہیں اور وہ خود مانتی ہیں کہ زندگی میں ایک سٹیج پروہ بھی ڈپریشن کا شکار تھیں۔ وہ اپنی فیملی سے بہت محبت کرتی ہیں۔ فلم رام لیلا میں انکے شاندار کام کو دیکھ کر شائقین ہی نہیں بلکہ امیتابھ بچن نے بھی نوٹ لکھ بھیجا جسے دیکھ کر دپیکا کی خوشی کا کوئی ٹھکانہ نہیں تھا۔ یہ اداکارہ فلاحی کاموں میں بھی رواں دواں ہیں اور مہاراشتراء کےایک گاؤں کو تمام سہولیات مہیا کرتی ہیں۔
تاریخ پیدائش اور بُرج
آئیے ذرا دیپکا پڈکون کی تاریخ پیدائش پر غور کرتے ہیں اور ان کی شخصیت کا حال جاننے کی کوشش کرتے ہیں۔
تاریخ پیدائش: 5جنوری 1986 (عمر 33 سال)۔ مقام: ڈنمارک
تاریخ پیدائش کے مطابق انکا برج جدی ہے۔ برج جدی کے لوگ کافی سمجھدار اور نظم و ضبط کا خیال رکھنے والے ہوتے ہیں۔ اپنی ذمہ داریوں کو بخوبی سمجھتے بھی ہیں اور نبھاتے بھی ہیں۔ یہ لوگ ہر معاملے میں خود مختار رہنا پسند کرتے ہیں خواہ وہ انکی ذاتی زندگی سے متعلق ہو یا کام کے متعلق ہو۔ اپنے آپ پر یہ لوگ غضب کا کنٹرول رکھتے ہیں۔ اپنی غلطیوں سے سیکھتے ہیں اور دوبارہ نہیں دہراتے۔
دیپکا پڈکون میں یہ تمام خصوصیات واضح طور پر موجود ہیں۔